朱楓:球王第1擊 Maradona蘇Time阿根廷SureW

设为首页

编辑：球乐网文章来源：互联网更新时间：2008-11-19

今晚熱身赛焦點之戰，唔使問一定係阿根廷作客蘇格蘭，事關馬納當拿將會首次帶領阿根廷出赛，佢上任後唔係畀人話冇經驗，就被人話同邊個不和，呢场肯定全力爭胜大反擊，以佢手頭上有阿古路同泰維斯兩大「士哥手」，睇怕傷兵滿營蘇格蘭都阻佢唔住，一於捧「让球客胜」！（有線62周四零晨4:00直播）
馬納當拿上個月正式成為阿根廷國家队領队，令全世界非常期待，可惜之後卻鬧出唔少風波，最新一單話佢被足總阻撓請練想劈炮。無可否認，馬納當拿冇太多執經驗，但胜在人氣依然，阿根廷個個都當佢神咁拜，試問邊個唔為佢賣命？早幾日佢一抵達蘇格蘭機场，就獲當地數百名球迷歡迎，預計今晚去到比赛球场會獲得更多支持，直頭可以當正自己主场踢。

阿根廷「433」博響頭炮

陣容方面，雖然阿根廷今次缺少美斯同列基美，不過馬納當拿女婿阿古路、辛尼迪、泰維斯等主力悉數入選，估計馬納當拿會打四三三陣式，赛前「球王」更表示阿根廷今场絕對唔會當熱身赛踢，希望球员全力爭胜，睇得出佢好想響頭炮。

蘇頭佐治貝利冇人撐

相比起馬納當拿，蘇格蘭領队佐治貝利就明顯得唔到民心，上任後淪為過街老鼠，又唔識用人，搞到目前蘇超頭號射手基斯保迪都寧願退出國家队，預計今场將會被人噓爆，最慘前鋒堅尼米拿、史提芬費查、中场費查同門將哥頓，前鋒羅斯麥哥馬克同中场占士摩利臣全部受傷唔踢得，睇怕今场就算有队長巴利費格遜回歸，幫助亦唔大，輸少過兩球都難！

声明:请正确理解本站提供的一切内容均属<<中国足彩>><<中央五台>>和类似于足球擂台等有奖竞猜游戏参考资料使用,请勿用于非法用途,本站从没有经营或参与任何形式的博彩活动.
粤ICP备06103428号广告联系QQ：228810238