Mic少一向係意大利國家队球迷，但見到呢支世界盃盟主人腳呈老化趨勢，不禁擔心佢未來前途，所以Mic少代入領队納比角色，希望發掘多年輕土炮，為意軍注入新血。今晚意甲卡利亞里主场對費倫天拿，雙方都有唔少具潛質新星，尤其集中於鋒線，值得納比及意大利球迷留意。（now 634周日晚10時直播）
柏仙尼奧斯華度等上位
講到費倫天拿鋒線，大家肯定第一時間諗起基拿甸奴同梅度，前者今季腳風超順，但梅度受傷患困擾，今场難望上陣，不過亦造就其他年輕前鋒有機會一展身手，早有薄名柏仙尼同奧斯華度，都被譽為意大利未來國腳級人物，可惜今季上陣機會唔多，未令人留下深刻印象，但隨梅度近期抖多過踢，相信佢將會有愈來愈多上陣時間，而且為博取練柏蘭迪利歡心，更加會把握機會爭取入球，特別係當對手後都睇實基拿甸奴時候，就係柏、奧二人搵食良機。因此，即使梅度缺陣，費倫入波能力並唔會因而削弱。
至於卡利亞里，亦有一位備受關注年輕射手艾基費斯卡，呢位年僅廿一歲前鋒上季已打出名堂，今季依然勇猛，近五场联赛入四球，係卡利亞里走出季初五連敗主因，連國米練莫連奴都點名，話明年一月要收購佢。媽媽係波蘭人艾基費斯卡，拒絕波蘭國家队邀請，一心要爭取入意大利國家队，可見佢具備破釜沉舟決心，係未來棟樑之材。兩軍鋒線一班生牯仔有活力、有鬥志、有信心，今场勢必擦出火花，一於捧入球大。
|
名家拆局·列表
声明:请正确理解本站提供的一切内容均属<<中国足彩>><<中央五台>>和类似于足球擂台等有奖竞猜游戏参考资料使用,请勿用于非法用途,本站从没有经营或参与任何形式的博彩活动.