英超今季已經有四位新領队上任，分別係夏利列納、阿當斯、蘇拿及堅尼亞，但其實一間球會要平穩地取得好成績，成日換領队並非好事，好似愛華頓最近同領队莫耶斯續約五年咁，「拖肥糖」對莫耶斯咁有信心，真係值得一讚。
雖然愛華頓近年冇過任何鍢耍憩F夠晒平穩，除英超Big4之外，佢可以話係前六名常客，論穩定性，仲高過海鮮味濃熱刺。即使「拖肥糖」季初表現唔係咁好，但好快就克服到呢個問題，最近又升番上前列，所以其他球會高層應該對佢領队有耐性，唔好輕言易帥。
莫耶斯買人夠眼光
愛華頓今晚主场對米杜士堡，我就睇好「拖肥糖」可以四連胜，其實佢人腳質素唔係特別超班，但胜在實而不華，球员唔會偷懶，呢點同莫耶斯治軍嚴厲有關，不過佢買人眼光，亦的確幾好。球队季初以千五萬鎊買費蘭尼返，個個都彈到佢一文不值，但入幾個關鍵波之後，球迷又捧到佢上天。從曼联收購返沙夏，初時亦冇人睇好，不過最近咪頻頻入波，鹹魚翻生又一例證，所以話有時要將目光放遠！
另一场侯城主场對曼城，我都好欣賞侯城領队菲臘布朗，套用香港著名球評家Peter一句說話，佢以蔗渣價錢，踢出燒鵝味道，我初時都唔明點解，聽完佢解釋即刻明晒，希望今晚侯城繼續有驚喜畀大家啦！
|
名家拆局·列表
声明:请正确理解本站提供的一切内容均属<<中国足彩>><<中央五台>>和类似于足球擂台等有奖竞猜游戏参考资料使用,请勿用于非法用途,本站从没有经营或参与任何形式的博彩活动.