美職今輪重頭戲必定係洛杉磯銀河主场對新英倫革命，銀河星味十足踢法有前冇後，極富娛樂性，主场出擊更加唔會欺场。至於革命身為榜首勁旅，攻力亦唔小，兩「大」勢力今次短兵相接，唔需要費神估胜负，一於直取入球大。（now 633周六早上10時30分直播）
銀河上仗作客華盛頓联队，遭遇滑鐵盧，以一比四慘敗而回，雖然球队輸波，不過仍然貫徹大開大合風格。事實上，銀河今季成績雖比上季有改善，不過仍然唔稱得上穩健，佢最穩定水準反而係入波方面，踢十四场联赛，已攻入三十四球，結果有十二场開入球大，開大比率高達八成六，因此身邊唔少朋友都話，見到有銀河比赛，唔使諗就買大，絕對唔誇張。
銀河進攻多元化
而且銀河入波球员已經唔再只係集中於當路雲同碧咸身上，前鋒艾臣布度狀態持續大勇，近七场联赛六场有波入，當中有兩场更係大演帽子戲法，加上另一位前鋒阿倫哥頓同中场基斯基連亦偶有佳作，令球队進攻更多元化。銀河今场要贏波未必得，但要入波就唔成問題。
至於新英倫革命坐得上联赛總排名第一，實力當然有番咁上下，呢支上季總亞軍今季捲土重來，士氣更加旺盛，已佔據榜首位置多時。雖然革命入波數字唔及對手，但要攻破銀河豆腐渣防線，仍然綽綽有餘，問題係可唔可以阻止對方入波。兩軍特性都有利製造入波，捧入球大最簡單直接。
另外，比赛當日係美國國慶，節日氣氛濃厚，或會進一步刺激雙方入波意欲，以一场入球騷賀國慶。
|
赛前分析·列表
声明:请正确理解本站提供的一切内容均属<<中国足彩>><<中央五台>>和类似于足球擂台等有奖竞猜游戏参考资料使用,请勿用于非法用途,本站从没有经营或参与任何形式的博彩活动.